سفیر الحب

انشودة اخشی اللّه

اخشی اللّه ابنیّه اتعارضها ، او تتظاهر منصور

او مقهوره او تنظر مستقبل ، کافی نهوه او زور

قسمتهه او ورده الحبّتهه

تجبرها ابطلقه اتهدّدها

عیشه ابذل ما تقبل بیهه ، لو رحمک من نور

***

اللّه الخالق و آیاته الحق ، کل الناس احرار

امّنها او عندک تسلبها ، ابحقها او تشعل نار

والفتنه اتذم ابدیوانک

من الباطل کض السانک

شاورها ابامر الّی ایخصها ، او زیل الهم و العار

***

اترک جهلک و اسعد حضّک ، و اتصرّف بایمان

بنتک مثل ابنک تتعامل ، عاملها اباحسان

حط عینک لا تظلم بیهه

بالک بالقدره اتعادیهه

ذمة حق مکتوبه ابعنقگ ، یشهدها الدیوان

***

موطنّه ابنیتنه او تزهی ، ما لازم تفسیر

والعاف اصله گص جنحانه ، گلّی اشلون ایطیر

وَطنی ارضی ، ارضی عِرضی

روحی فدوه ، او دمی او جرحی

و الطامع بیهه انگص ایده ، او للخاین تحذیر

***

یبن اادم لا تنکر اصلک ، و الناکر خسران

حاور اهلک ، گومک ، عرفک ، والخالف تعبان

جنّه او نار انت اتلاگیهه

انحذرک و انت اشهد بیهه

حلی السانک و آمر و انهه ، و افعالک نیشان

***

 شاعر الشعبی : جاسم ثعلبی (الحسّانی) 14/11/1397